Therapeutesche Beroder (M/W/NB) – CST (Stad)

Mir siche fir eise neien Centre de jour socio-thérapeutique (Stad): Therapeutesche Beroder (M/W/NB) am CDI mat 30 Stonnen/Woch

Am Centre de jour socio-thérapeutique begleet eis multidisziplinär Equipe 6 Kanner am Prinzip am Alter vu 6 bis 12 Joer. Fir all Kand gëtt et een individuelle Plang, deen am Laf vu senger Entwécklung ëmmer erëm ugepasst gëtt. Mir gesinn d’Verhale vum Kand als seng Beméiung seng Struktur ze erhalen an als déi, zu dem Zäitpunkt, beschtméiglech Léisung. Mir baue Bezéiung ob an ënnerstëtzen d’Kand, dass hat och a, fir hat, iwwerfuerderneden Momenter ob seng Ressourcen zréckgräife kann. Mir schafe Bewosstsinn fir eis eege Prozesser an Empfanne mat der Fro: Wat mëscht dat Verhale vum Kand mat mir ? Sou gi mir an eng perséinlech Entwécklung, fir dem Kand een ëmmer bessert Géintiwwer ze sinn.